ABŞ dövlət katibi Marko Rubio İranla mümkün nüvə sazişi üzrə danışıqlarda ciddi irəliləyiş əldə olunduğunu açıqlayıb.

“gece.ws” xəbər verir ki, Rubio Hindistanda keçirdiyi mətbuat konfransında bildirib ki, İran və Hörmüz boğazı ilə bağlı hazırlanan razılaşma layihəsində mühüm addımlar atılıb.

O, gün ərzində məsələ ilə bağlı yeni açıqlamaların verilə biləcəyini deyib.

ABŞ rəsmisi vurğulayıb ki, Vaşinqtonun əsas məqsədi İranın nüvə silahına sahib olmasının qarşısını almaqdır.

Rubio həmçinin Körfəz ölkələri ilə Hörmüz boğazının tam açıq saxlanılması və keçid rüsumlarının olmaması istiqamətində işlədiklərini bildirib.