Paytaxtın Binə qəsəbəsi yaxınlığında yaşayış olmayan sahədə yanğın baş verib.

“gece.ws” xəbər verir ki, ərazidən ətrafa güclü tüstü yayılmağa başlayıb.

FHN-dən sorğumuza cavab olaraq bildirilib ki, Xəzər rayonu Binə qəsəbəsində məişət tullantılarının toplandığı ərazidə yanğın başlaması barədə 112 qaynar xəttinə məlumat daxil olub.

Hazırda yanğının söndürülməsi istiqamətində tədbirlər həyata keçirilir.

***

Baş vermiş yanğın Fövqəladə Hallar Nazirliyinin yanğından mühafizə bölmələri tərəfindən söndürülüb.