Futbol üzrə dünya çempionatının Almaniya və Paraqvay yığmaları arasında keçirilən 1/16 final qarşılaşmasının ən yaxşı futbolçusu müəyyənləşib.

“gece.ws” xəbər verir ki, FIFA-nın açıqlamasına görə, matçın ən yaxşı oyunçusu Paraqvay millisinin qapıçısı Orlando Hill seçilib.

24 yaşlı qolkiper görüş ərzində bir neçə vacib qurtarışla yadda qalıb.

O, xüsusilə penaltilər seriyasında iki zərbəni dəf edərək Paraqvayın Almaniyanı 4:3 hesabı ilə məğlub edib 1/8 finala yüksəlməsində əsas pay sahiblərindən olub.