Azərbaycan Xarici İşlər Nazirliyi dünən Honqkonqda yaşayış kompleksində baş verən güclü yanğınla bağlı başsağlığı verib. 

“gece.ws” xəbər verir ki, bu barədə XİN-in “X” hesabında paylaşım edilib.

“Honqkonqda baş verən və çox sayda insanın ölümünə, eləcə də yaralanmasına səbəb olan faciəli yanğından dərin kədər hissi keçiririk. Qurbanların ailələrinə və yaxınlarına dərin hüznlə başsağlığı verir, yaralıların tezliklə sağalmasını diləyirik”, - paylaşımda qeyd olunub.

Xatırladaq ki, noyabrın 26-da Honqkonqda yaşayış kompleksində baş verən yanğın nəticəsində 65 nəfər həlak olub.