ABŞ Prezidenti Donald Tramp özünün “Truth Social” sosial şəbəkəsindəki səhifəsində Şimali Koreya lideri Kim Çen In ilə fotosunu paylaşıb.

“gece.ws” xəbər verir ki, Tramp paylaşımında Şimali Koreya lideri ilə münasibətlərinin əla olduğunu vurğulayıb.

“Bu xüsusi fotodakı dostca görünməyən baxışlara baxmayaraq, ikimizin də gülümsədiyimiz çoxlu fotolarımız var”, – deyə Ağ Ev rəhbəri qeyd edib.

Qeyd edək ki, may ayında Tramp KXDR lideri ilə əlaqə saxladığını bildirmişdi. Jurnalistlər ABŞ prezidentindən aralarındakı ünsiyyətin dəqiq mahiyyətini soruşduqda isə o, bunun “əhəmiyyətsiz” olduğunu deyərək təfərrüatları açıqlamaqdan imtina etmişdi.