Türkiyədə İstanbul Anadolu Baş Prokurorluğunun Şile Bələdiyyəsi ilə bağlı apardığı istintaq çərçivəsində tutulanlardan biri də müğənni Haluk Leventin qardaşı Berkant Acil olub.

“gece.ws” Türkiyə KİV-ə istinadən xəbər verir ki, ümumilikdə 18 şübhəlidən 17-si saxlanılıb.

Məlumata görə, saxlanılardan 13-ü həbs edilib, 4-ü isə məhkəmə nəzarəti altında sərbəst buraxılıb.

Həbs edilən 13 nəfərdən biri də Berkant Acil olub.

Bildirilib ki, onlar “cinayətkar təşkilat yaratmaq və üzv olmaq”, “rüşvət”, “hədə-qorxu ilə pul tələb etmək” və “tender saxtakarlığı” kimi cinayətlərdə ittiham olunurlar.