Azərbaycan Prezidentinin köməkçisi – Prezident Administrasiyasının Xarici siyasət məsələləri üzrə şöbə müdiri Hikmət Hacıyevlə İranın ölkəmizdəki fövqəladə və səlahiyyətli səfiri Müctəba Dəmirçilu arasında görüş keçirilib.

“gece.ws” xəbər verir ki, bu barədə iranlı diplomat sosial şəbəkə hesabında məlumat paylaşıb.

Səfir keçirilən görüşün detallarını bölüşərək regional məsələlərin diqqət mərkəzində olduğunu vurğulayıb:

“Azərbaycan Respublikası Prezidentinin xarici siyasət məsələləri üzrə köməkçisi Hikmət Hacıyevlə keçirilən görüşdə regional proseslər müzakirə olunub, həmçinin ikitərəfli münasibətlərdə gündəmdə olan bəzi məsələlərin irəlilədilməsi ilə bağlı razılıq əldə edilib”.