Ağ Ev İsrail ilə Livan arasında keçiriləcək ikinci tur danışıqlara ev sahibliyi edəcək.

“gece.ws” xəbər verir ki, bu barədə Ağ Evin rəsmi nümayəndəsi məlumat yayıb.

Məlumata görə, ABŞ Prezidenti Donald Tramp nümayəndə heyətlərini Ağ Evə gəldikləri zaman şəxsən qarşılayacaq.

Qeyd edək ki, bundan öncə tərəflər bir dəfə Vaşinqtonda görüşüblər. Sözügedən görüşdən sonra isə İsrail və Livan arasında ongünlük atəşkəs elan olunmuşdu.