“gece.ws” xəbər verir ki, bu barədə ABŞ Prezidenti Donald Tramp özünün “Truth Social” sosial şəbəkəsində etdiyi paylaşımında bildirib.

“İran nüvə silahına sahib olmamağa razılaşdı! Bundan əlavə, ABŞ-nin İrana 300 milyard dollar ödəməsi haqqında xəbər demokratlar tərəfindən yayılan feykdir!”, - paylaşımda deyilir.

Ehtimal olunur ki, bununla Tramp İranın Anlaşma Memorandumu çərçivəsində bərpa üçün 300 milyard dollara çıxış əldə edə biləcəyi barədə mətbuatda yayılmış xəbərləri nəzərdə tutur.

Belə ki, daha əvvəl “Financial Times” nəşri Tramp administrasiyasının İrana investisiya yatırmaq istəyən özəl şirkətlərə 300 milyard dollar həcmində İran fondunu maliyyələşdirməyi təklif etdiyi barədə xəbər paylaşıb. Məlumata görə, İranın sözügedən fondun maliyyə vəsaitlərinə çıxışı yeni sazişə riayət etməsindən asılı olacaq. Artıq bir çox ölkələrin, o cümlədən ABŞ-nin biznes dairələrinin bu fonda maraq göstərdiyi iddia olunur.