“Avropa ölkələri ABŞ və İsrailin İrana qarşı əməliyyatına qoşulsa, Tehran bunu təcavüzkarlara yardım və müharibə aktı kimi qiymətləndirəcək”​.

“gece.ws” “Gulf News”a istinadən xəbər verir ki, bunu İran Xarici İşlər Nazirliyinin nümayəndəsi İsmayıl Bəqai bəyan edib. 

“Bu, müharibə aktı olardı. İrana qarşı bu cür istənilən akt təcavüzkarlara yardım və İrana qarşı müharibə aktı kimi qiymətləndiriləcək”, - o, Almaniya, Böyük Britaniya və Fransa liderlərinin İranın raket və pilotsuz uçuş aparatları buraxma qabiliyyətini məhv etmək üçün hərbi müdafiə tədbirləri görə biləcəklərinə dair birgə bəyanatını şərh edərkən bildirib.