İsrail Prezident İsaak Hersoqun olduğu hərbi helikopterin təcili eniş etdiyini bildirilir.

“gece.ws” xəbər verir ki, bu haqda İsrail Müdafiə Qüvvələri məlumat yayıb.

Məlumata görə, hadisə təyyarənin uçuş zamanı quş sürüsü ilə toqquşmasından sonra baş verib.

Bildirilib ki, prezident Herzl dağındakı anım mərasimlərində iştirak etdikdən sonra helikopter ölkənin şimalına doğru hərəkət edib. Hadisə baş verdikdən sonra ekipaj Palmachim aviabazasına eniş etmək qərarına gəlib.

İsrail Müdafiə Qüvvələri hadisə nəticəsində dağıntı və ya xəsarət alan olmadığını açıqlayıb.