Dünya liderləri, diplomatlar və ekspertlər 27-28 mart tarixlərində Türkiyənin Kommunikasiya İdarəsi tərəfindən təşkil edilən STRATCOM Zirvə Toplantısında bir araya gələcək.

“gece.ws” xəbər verir ki, tədbir artan geosiyasi gərginlik və qlobal böhranların sürətlə inkişaf etdiyi bir dövrdə keçiriləcək.

İki gün davam edəcək zirvənin əsas məqsədi beynəlxalq nizamın gələcəyi, strateji kommunikasiya və qlobal böhranların idarə olunması məsələlərini müzakirə etməkdir. Tədbir Türkiyənin vitse-prezidenti Cevdet Yılmaz və xarici işlər naziri Hakan Fidanın iştirakı ilə açılış sessiyası ilə başlayacaq.

Zirvənin ilk günündə strateji kommunikasiyanın dəyişən qlobal nizamın formalaşmasındakı rolu diqqət mərkəzində olacaq. “Qlobal Nizamın Yeni Çərçivəsi” adlı panelə Kubanıçbek Ömüraliyev moderatorluq edəcək.

Paneldə Azərbaycan, Suriya, Banqladeş və Şimali Kipr Türk Respublikasından olan nümayəndələr iştirak edərək beynəlxalq münasibətlərdə kommunikasiya faktorunu müzakirə edəcəklər.