Dünən Rusiya ordusunun Kiyevə endirdiyi zərbə nəticəsində həlak olanların sayı 24-ə çatıb.

“gece.ws” “Ukrainskaya pravda” portalına istinadən xəbər verir ki, xilasedicilər raket düşən yaşayış binasında axtarış işlərini başa çatdırıblar.

Ölənlərdən üçünün uşaq olduğu qeyd olunub. Hadisə zamanı daha 48 nəfər isə yaralanıb.

Xatırladaq ki, ən son yayılan məlumatda hücum zamanı 12 nəfərin öldüyü bildirilirdi. Hadisə ilə əlaqədar bu gün Kiyevdə matəm elan edilib.