“gece.ws” xəbər verir ki, bunu İranda hərbi əməliyyatların tərəfdarlarından biri olan respublikaçı senator Lindsi Qraham bildirib.

O qeyd edib ki, Konqres müharibəyə son qoymaq üçün irəli sürüləcək istənilən təklifi təsdiqləməlidir.

“İranın müharibəyə son qoymaq üçün təqdim etdiyi on bəndlik təklifə gəldikdə, Obamanın JCPOA (Birgə Ətraflı Fəaliyyət Planı - 2015-ci ildə İranla dünya gücləri - ABŞ, BMT Təhlükəsizlik Şurasının daimi üzvləri – Çin, Rusiya, Böyük Britaniya, Fransa və Almaniya) arasında imzalanmış nüvə sazişidir) ilə imzaladığı sazişdə etdiyimiz kimi, onu uyğun vaxtda nəzərdən keçirmək və səsverməyə çıxarmaq üçün Konqresə təqdim etməyi səbirsizliklə gözləyirəm.

Mən bir daha vurğulamaq istəyirəm ki, təxminən 900 funt yüksək zənginləşdirilmiş uranın hər unsiyası ABŞ tərəfindən nəzarətdə saxlanılmalı, İrandan çıxarılmalı və gələcəkdə onun çirkli bombaya sahib olması və ya zənginləşdirmə fəaliyyətinə qayıtmasının qarşısı alınmalıdır”, - Qraham deyib.

“Unutmamalıyıq ki, müharibə başladıqdan sonra Hörmüz boğazına İran tərəfindən hücum edilib və naviqasiya azadlığı ciddi zərər görüb. Gələcəkdə İranın bu düşmənçilik hərəkətinə görə mükafatlandırılmaması vacibdir”, - o əlavə edib.