Mərkəzi Seçki Komissiyasının (MSK) yeni tərkibdə ilk iclası keçirilir.

“gece.ws” xəbər verir ki, iclasın gündəliyinə MSK sədri, onun müavini və katiblərinin seçilməsi daxil edilib.

İclasda iştirak edən Milli Məclisin sədri Sahibə Qafarova MSK-nın yeni tərkibə seçilən namizədlərini təbrik edib.

O bildirib ki, ötən dövrdə MSK Seçki Məcəlləsinə əsasən öhdəliklərini uğurla həyata keçirib.

***

Mərkəzi Seçki Komossiyasının (MSK) yeni tərkibdə keçirilən ilk iclasında Rövzət Qasımov sədrin müavini seçilib.

Qeyd edək ki, MSK sədri Məzahir Pənahov seçilib.

***

Yenidən MSK sədri seçilən Məzahir Pənahov deyib: “Doğrudur ki, Mərkəzi Seçki Komissiyasının ilk iclasını ən yaşlı üzv aparmalıdır. MSK-ya cavan yaşda başlamışdım. Seçki Məcəlləsinə əsasən, MSK-nın ilk iclasında sədr, müavinlər və katiblər seçilməlidir.

MSK-nın formalaşdırılmasını təsdiq edən Milli Məclisə və sədr seçilməyimə səs verən üzvlərə təşəkkürümü bildirirəm”.

Nuranə Daxilqızı