Nyu-York səmasında “JetBlue” aviaşirkətinin sərnişin təyyarəsi pilotsuz uçuş aparatı ilə toqquşub.

“gece.ws” xəbər verir ki, bu barədə “Sky News” telekanalı məlumat yayıb.

Məlumata görə, dron Con Kennedi adına Hava Limanına eniş edən təyyarənin pilot kabinəsinə çırpılıb. Pilotlar hadisə ilə bağlı təcili qaydada dispetçeri məlumatlandırıblar. Layner hava limanına uğurla eniş edib.

ABŞ-nin Federal Mülki Aviasiya İdarəsi baş verən hadisə ilə bağlı araşdırmaya başlayıb. “JetBlue” aviaşirkəti təyyarənin zədələnmədiyini, sərnişinlərin xəsarət almadığını açıqlayıb.