Türkiyə yığmasının futbolçusu Orkun Kökçü karyerasını “Beşiktaş”da davam etdirəcək.

“gece.ws” xəbər verir ki, bu barədə İstanbul təmsilçisinin rəsmi saytı məlumat yayıb.

Bildirilib ki, transferlə bağlı Portuqaliya “Benfika”sı ilə danışıqlara başlanılıb.

Həmçinin “Beşiktaş”ın prezidenti Serdal Adalı futbolçunun bu gün İstanbula gələcəyini açıqlayıb.

Qey edək ki, Orkun 2023-cü ildən “Benfika”da çıxış edir. Kökçü 2024/2025 mövsümündə “Benfika”nın heyətində 55 oyunda 12 qol vurub, 11 məhsuldar ötürmə edib.