Ermənistanın İstintaq Komitəsi ölkədə keçirilmiş seçkilərdə ciddi qanun pozuntusu faktı qeydə alıb.

“gece.ws” xəbər verir ki, “Güclü Ermənistan” partiyasının səlahiyyətli nümayəndəsi A.H. bir qrup şəxsi seçki məntəqəsində konkret bülleten nömrəsi altında çıxış edən siyasi partiyaya səs verməyə yönləndirib.

İstintaq Komitəsindən verilən məlumata görə, cinayət törətməkdə bilavasitə şübhəli bilinən partiya nümayəndəsi A.H. Daxili İşlər Nazirliyinin Polis İdarəsinin əməkdaşları tərəfindən saxlanılıb.

Faktla bağlı araşdırma aparılır.