Polşanın Varşava və Jeşuv şəhərlərində hava limanları fəaliyyətini dayandırıb. 

“gece.ws” xəbər verir ki, bu barədə məlumatı ABŞ-nin Federal Mülki Aviasiya İdarəsinə (FAA) istinadən “Reuters” agentliyi yayıb. 

Bildirilib ki, buna səbəb naməlum obyektlərin Polşanın hava məkanına daxil olması olub.

Eyni zamanda, ölkənin Müdafiə Nazirliyi həmin obyektlərin aşkar edilməsi və zərərsizləşdirilməsi istiqamətində əməliyyat həyata keçirildiyini açıqlayıb.

***

Polşa ordusu ölkənin hava məkanını pozan bir neçə pilotsuz uçuş aparatının vurulduğunu və həmin dronların qalıqlarının tapılması istiqamətində iş aparıldığını açıqlayıb. 

Bununla yanaşı, Polşa polisi Belarusla sərhəddən 30 kilometr məsafədə yerləşən Çosnovka kəndində vurulan PUA-lardan birinin aşkar edildiyini bildirib. 

Məlumatda hadisə nəticəsində xəsarət alanların olmadığı vurğulanıb.

***

“Polsat News”un məlumatına görə, dronlardan biri yaşayış evinin üzərinə düşüb.

Hadisə zamanı evin damı və ərazidə olan avtomobilə zərər dəyib. Xəsarət alan isə olmayıb.