Rusiyanın Mavrikidəki səfiri Azərbaycan əsilli İradə Zeynalovaya fövqəladə və səlahiyyətli səfir diplomatik rütbəsi verilib.

“gece.ws” Rusiya mətbuatına istinadən xəbər verir ki, bununla bağlı Rusiya Prezidenti Vladimir Putin Fərman imzalayıb.

Sənəd hüquqi aktların rəsmi dərc olunma portalında yerləşdirilib.

Qeyd edək ki, 53 yaşlı İ.Zeynalova Rusiyanın tanınmış telejurnalistidir. O, uzun illər bu ölkənin müxtəlif televiziya kanallarında çalışıb. Putin 2024-cü ilin sentyabrında Zeynalovanı Rusiyanın Mavrikidəki səfiri təyin edib.