İsveçin “Malmö” klubunun hücumçusu, “Zirə”nin sabiq futbolçusu Salifu Suma “Qarabağ”ın transfer gündəmindədir.

“gece.ws” xəbər verir ki, Ağdamlılar qvineyalı ön xətt oyunçusunu ilk olaraq birillik icarəyə götürməyi planlaşdırır. Suma özünü doğruldacağı təqdirdə, daha sonra birdəfəlik transferi nəzərdə tutulacaq.

Lakin “Malmö” Sumanın birdəfəlik satışını üstün tutur. Bunun üçün isə “Zirə”yə ödədiyi məbləği – 1,3 milyon avronu tələb edir. Ancaq “Qarabağ”  isə bunu ödəmək istəmir. 

Qeyd edək ki, Sumanın “Malmö” ilə müqavilə müddəti 2029-cu ilin yayına qədərdir.