“gece.ws” xəbər verir ki, bu barədə məlumatı “RİA Novosti” yayıb. 

Bildirilib ki, Azərbaycan hüquq-mühafizə orqanları Rusiya ərazisində saxlanılmış həmin şəxsin ekstradisiyası ilə bağlı rusiyalı həmkarlarına müraciət ediblər.

Məlumata görə, Azərbaycanda qiyabi həbs edilən və axtarışa verilən sözügedən şəxs terror aktlarının hazırlanması üçün təlimlərin təşkilində, cinayətkar təşkilatın və qanunsuz silahlı qrupların yaradılmasında şübhəli bilinir. Bununla belə, haqqında bəhs edilən şəxsin hansı ölkənin vətəndaşı olduğu qeyd edilməyib. 

Moskva məhkəməsi təqsirləndirilən şəxsin istintaq təcridxanasına göndərilməsinə qərar verib. Məhkəmə materiallarında bildirilib ki, onun Azərbaycana təhvil verilməsi ilə bağlı hələ aşkar maneələr yoxdur.