Rusiyanın Baytarlıq və Fitosanitar Nəzarət üzrə Federal Xidməti (“Rosselxoznadzor”) 22 may 2026-cı il tarixindən başlayaraq, istixanaların yoxlanılması başa çatana və nəticələr təhlil edilənə qədər Ermənistan mənşəli və göndərilən çiçək məhsullarının idxalına müvəqqəti məhdudiyyətlər tətbiq edəcək.

“gece.ws” xəbər verir ki, bu haqda qurumun mətbuat xidməti məlumat yayıb.

“Ermənistan Qida Təhlükəsizliyinə Nəzarət Agentliyinin təminatlarına baxmayaraq, Avrasiya İqtisadi İttifaqı (EAEU) çərçivəsində karantinə alınmış məhsulların aşkarlanması davam edir. 96,2 milyon ədəd gül məhsulunun idxalı zamanı 135 qayda pozuntusu qeydə alınıb”, - məlumatda deyilir.

Agentlik vurğulayıb ki, hazırkı rəqəmlər 2025-ci il üçün aşkarlanan halların ümumi sayının 77%-ni təşkil edir.