Qara dənizin Türkiyənin Sinop vilayəti sahillərində bir kişi raketə bənzəyən paslanmış silindrik metal obyekt aşkar edib və onu sahilə çıxarıb.

“gece.ws” xəbər verir ki, hadisənin görüntüləri sosial şəbəkələrdə və yerli mediada geniş müzakirələrə səbəb olub. 

Görüntülərdə yer alan metal parçasının Rusiya istehsalı “Pantsir-S1” zenit-raket kompleksinə (ZRK) aid raket olduğu ehtimal edilir.

Məsələ ilə bağlı hələ rəsmi açıqlama verilməyib.