Gürcüstanda müxalif “Lelo - Güclü Gürcüstan” partiyasının nümayəndəsi Aleko Elisaşvili Tbilisidəki məhkəmə binasını yandırmağa cəhd etdiyinə görə saxlanılıb.

“gece.ws” yerli mətbuata istinadən xəbər verir ki, o, məhkəmə dəftərxanasının şüşəsini sındırıb, içəridəki texnika və sənədlərin üstünə benzin töküb və yanğın törətməyə cəhd edib.

Saxlanılarkən Elisaşvilinin müqavimət göstərdiyi və məhkəmə icraçısına xəsarət yetirdiyi bildirilir. Məlumata görə, siyasətçinin üzərində tapança aşkar olunub.

Xatırladaq ki, ötən il “Gürcü Arzusu” partiyasının fraksiya sədri Mamuka Mdinaradzeni döydüyünə görə Elisaşviliyə cinayət işi açılıb. Lakin həmin vaxt o, deputat statusu olduğuna görə həbs edilməmişdi.