“Bavariya”nın hücumçusu Tomas Müller karyerasını Türkiyədə davam etdirə bilər.

“gece.ws” bu barədə “Spor Arena”ya istinadən xəbər verir.

Mənbənin məlumatına görə, alman forvard ilə “Fənərbaxça” klubu maraqlanır. İstanbul təmsilçisinin baş məşqçisi Joze Mourinyonun Mülleri komandada görmək istədiyi bildirilir.

“Fənərbaxça”nın Müllerə 1+1 illik müqavilə təklif edəcəyi iddia edilir.

Qeyd edək ki, 35 yaşlı futbolçu bu mövsümün sonunda Münhen nəhəngi ilə yollarını ayıracaq.

Futbolçu bu mövsüm 37 oyun keçirib, 6 qol vurub və 5 məhsuldar ötürmə edib.