“İran ABŞ ilə danışıqlar aparmır, Donald Trampın yeni təmaslar barədə bəyanatları həqiqətə uyğun deyil”. 

“gece.ws” xarici mətbuata istinadən xəbər verir ki, bu sözləri İranın Xarici İşlər Nazirliyinin sözçüsü İsmayıl Bəqai mətbuat konfransında çıxışı zamanı deyib.  

“Hazırda ABŞ ilə aramızda heç bir danışıq aparılmır. İndiki məqamda Hörmüz boğazından təhlükəsiz gəmiçiliyi təmin edəcək marşrut barəsində razılıq əldə etmək üçün Omanla danışıqlar aparırıq”, - o bildirib.  

Xatırladaq ki, daha əvvəl ABŞ Prezidenti Donald Tramp İranla danışıqların bu gün keçiriləcəyini açıqlamışdı.