Ukraynadakı münaqişənin həlli məqsədilə Moskva, Kiyev və Vaşinqton arasında keçirilməsi planlaşdırılan həlledici üçtərəfli görüşün vaxtı dəyişdirilib.

“gece.ws” TASS-a istinadən xəbər verir ki, tərəflər arasında əsas müzakirələrin martın əvvəlinə qədər təxirə salınması qərara alınıb. Görüşün keçiriləcəyi məkan isə hələlik dəqiqləşdirilməyib.

Xatırladaq ki, fevralın 17-18-də Cenevrədə baş tutan ilk məsləhətləşmələr Vladimir Medinski tərəfindən “çətin, lakin işgüzar” kimi qiymətləndirilmişdi. Ukrayna Prezidenti Volodimir Zelenski isə atəşkəsə nəzarət mexanizmi üzrə razılığa çox yaxın olduqlarını bildirmişdi.